遊啟德車站廣場，帶出一個好值得探討的問題：公園設計究竟多明確功能好，還是多啲留白空間好？
香港的夏季搞室外活動，暴曬、打風或落雨點都要撿一樣，感謝大家冒雨前來啟德站體驗公園設施。雖然整個啟德車站廣場未全部完工，但濕漉漉的天氣下都見到公園不一樣的一面。
更多詳情請移步IG 活動專頁
12
📝空間與設計：
落雨的星期日，中軸有蓋連廊被最大負荷地使用，有瓦遮頭、可以坐同無位坐的空間已被姐姐們用盡，好在她們活動範圍比較固定，形成連廊兩邊的側墻，其他所有市民穿梭在姐姐之間避雨通行。
置 身公園現場未必自知，事後想起機場的佈局才發現兩者相似之處，長長的有蓋走廊就似機場航站樓，沿著“候機廳”一路指引我們去往不同目的地、不同功能的次級空間。不過亦都好似機場，一定會有些停機坪需要“接駁車”，是要行出有蓋範圍多少少才能抵達。
📝設施與細節：
- 整個公園設施用料基本上由清水混凝土、深灰色鋼結構及防腐木三大部分組成，達到視覺的一致性。
- 支撐結構、扶手欄杆、圍欄、高矮燈柱、信息牌、花池、長凳兩側、梯級圍邊等等，全部都是用同一款深灰鋼板。
- 木平台、長凳面、構築物立面及天花局部位置用開同一款防腐木料。
📝團友的表達：
- 公園整體上視覺統一，用色上唔見好核突的位。
- 連廊與片墻設計風格聯想到建築署的西貢海下游客中心。
- 連廊墻身上的借景窗窿有設計感。
- 有蓋走廊覆蓋範圍不夠，尤其是中軸有蓋走廊未能接駁地鐵站出入口，及兩邊的住宅或商場。有蓋範圍的通行寬度在落雨的星期日明顯不夠。
- 有蓋走廊建議設立分段的主題以增加不同路段的識別性。
- 唔少大面積綠地較難理解設計意圖，特定功能與設計留白之間的界線模糊。好多位雖然設計得好極簡好靚，但不清楚要點樣去用。例如某啲長凳設立的位置，未配合到具體的使用場景。
- 幾個花園位用咗大面積全碎石鋪地，在草木皆兵的港式安全責任意識下實屬難得有如此鬆弛感的做法，加分！
- 兒童攀爬遊樂區好大手筆，等天好天氣再來體驗。
- 連廊雨水喉隱藏得幾好（未搵到條喉）。
- 夜晚燈光比較優雅並充足。
- 唔少矮燈柱與長凳位置撞，大家估下先有凳掟先有燈？
- 社區苗圃戒備森嚴，理解需參加種植研習班才能夠入內使用，但是否需要咁鐵墻高築？
- “共融通道GREENWAY”的圖形唔識解。