觀塘海濱道公園
相信大家對於觀唐海濱長廊就好熟悉，但旁邊的海濱道公園又有幾多人去過呢？呢個經翻新後於2021年重開的公園，除咗保留一個足球場、增加咗健身設施，一個好靚好型的洗手間。
唔知大家有冇喺中央草坪或多用途空間參加過公眾活動呢？抑或係夜晚偶遇星空、樹影的互動燈光？
今次將會是我們喺觀塘區舉辦的第三場活動。回顧前兩場，如果話茶果嶺海濱公園是家庭共融的歡樂天地，駿業街遊樂場係上班族透氣的綠洲，咁海濱道公園又扮演點樣嘅城市空間角色呢？
更多詳情請移步IG 活動專頁
7
📝社區與受眾：
波友、返工日打工人士、週末姐姐聚餐、海濱運動人士。
📝空間與設計：
- 整體佈局延續舊公園之原有圓形設計，以現代簡潔風格將圓形元素帶到不同位置。原位保留小型足球場及成年大樹。
- 公園大細空間尺度宜人，各個空間自身功能清晰。
- 新增令人驚喜的公共廁所設施，此沿街建築群阻擋噪音，可令公園空間安靜地面向海濱。
📝設施與細節：
- 新廁所引用玻璃磚幕牆將自然採光最大化，夜間則變成發光燈籠，置身其中似係酒店會所。
- 廁所外等候區樹蔭婆娑，木平台結合獨特收邊tree pit設計。
- 細節
- 坐凳位置間中有小檯面方便使用。
- 廁所標示設計好靚。
📝「如果俾我嚟設計」（馬後炮部分）
見到球場觀眾席全露天暴曬，就會諗點解唔將有蓋多用途空間搬去球場邊，既可以為觀眾席遮陽避雨，另一邊又可以圍合中央草坪作看台，咁樣可以一個雨棚同時服務兩邊。
📝其他團友的表達：
- 公園安靜且低調，但「海濱道公園」這個名容易將人引導去海濱長廊。
- 雖然廁所建築群隔開了沿街噪音，但也影響了由 街進入公園的通達性。
- 當站在海濱道入口向公園望，半遮半掩的屏風借鑒了傳統園林設計中擋景/借景的手法，與背後公園建築相得益彰，但如果調轉站在中央草地透過屏風向海濱望，視線焦點卻是停車場（要解決此「問題」，其實可以停車場沿街局部使用相同的屏風遮擋，同時又可建立同公園的視覺關聯性，將公園「延伸」出去。）
- 屏風造型簡潔，除了借景用途，同時都可以是理想的與藝術家合作的創作展示空間。
- 配套海濱戶外運動的新型健身設施。
- 公園內聽到幾種不同鳥叫聲，可能成為雀仔之外其他鳥類的棲息地。
- 連得到的Wifi好方便。